|
Sjón
 | | Editorial | Cangas do Morrazo. Rinoceronte Editora, 2009 | | | Descripción | Rústica con lapelas; 116 páxs.; 13,5 x 21,5 | | | ISBN / ref | 978-84-936413-9-9 | | Sinopse
Un sinistro naufraxio trae a ledicia a unha vila do suroeste de Islandia, ao tempo que cambia a vida do xoven Fridrik B. Fridjónsson, un universitario bohemio residente en Copenhague, introducindo no seu destino o personaxe de Abba, a misteriosa rapaza con síndrome de Down e acusada de infanticidio que quedará baixo a súa tutela. Fridrik decide entón ficar no país natal e mudarse ó humilde eirado que lle deixaron seus pais na parroquia de Dalur. Alí chegará tamén pouco despois un novo párroco, o reverendo Baldur Skuggason, e aínda que as súas vidas non se han de cruzar demasiado, a figura do sacerdote será esencial para desvelar os misterios do seu fado.
Paralelamente a estes eventos, o desenvolvemento dunha cacería levará a trama a un nivel alegórico, abrindo un diálogo entre o cazador e o raposo, ou simplemente, entre home e natureza, cuxo desenlace restituirá a orde das cousas neste pequeno universo mítico “nas lindes do mundo habitable”.
O título de Skugga-Baldur: unha lenda islandesa remite ao nome dunha voraz criatura da mitoloxía nacional, xerada dun gato e dunha raposa, á vez que entrelaza as lendas populares co nome do reverendo Baldur Skuggason. O gusto persoal do autor polos subtítulos xoga coas expectativas do lector, levándoo a reconsiderar a tradición literaria e os seus valores, á vez que redefine o xénero e abre novas posibilidades na literatura islandesa.
Baixo o lema das Metamorfoses de Ovidio, “todo cambia, nada se destrúe”, Sjón fía unha historia inesperada en que personaxes e elementos adquiren constantemente un novo cariz e onde o mito e o romanticismo cobran a forma dunha obra literaria de vangarda.
| |
|
Roberto Gonzalez Vazquez - Yualah TEV virtual shop system - Yualah |
Literatura (poesía, teatro, narrativa) + revistas
Conta andel
Carriño
| Importe | 13.48 € | | 4% I.V.E. | 14.02 € | | Club | 13.32 € |
|
