Era de noite e os vagalumes andaban a bailar ao redor da lúa. 

Ás cinco en punto da mañá saíu o sol. Unha simpática xoaniña chegou voando pola esquerda. Viu unha folla chea de pulgóns e pensou en comelos para almorzar. Nesas andaba, cando apareceu unha xoaniña rosmona pola dereita. Tamén ela viu os pulgóns e tamén elas pensou que farían un bo almorzo. 

Bos días (dixo a xoaniña simpática). Vaite de aquí (berroulle a xoaniña rosmona), eses pulgóns son para min. Podemos compartilos (suxeriu a xoaniña simpática). Non, son para min, todos para min (volveu berrar a xoaniña rosmona), ¿ou queres pelexar comigo?