Corre corre, cabaciña
Eva Mejuto

Editorial Pontevedra. OQO editora, 2016
Descripcióncapa dura; 36 páxs.; 25 x 23
ISBN / ref 978-84-9871-532-3
Sinopse
Non vin vella nin velliña,
nin velliña nin vellón.
Corre corre, cabaciña.
Corre corre, cabazón!,
respondía á cabaza que ía rodando polo camiño,
diante da mirada estupefacta do lobo, do oso e do león.
Quen estará dentro dela, facendo burla das tres feras?


Corre corre, cabaciña é un conto popular portugués, de gran tradición no país veciño, e que, sen embargo, nunca tiña sido editado en galego. Conta a historia dunha velliña que, de camiño á voda da súa neta, atopa un lobo, un oso e un león que a queren comer. Ela convence os animais para que a esperen á volta do convite e, despois da celebración, a neta e a velliña argallan algo moi orixinal para burlar as tres feras.
Escritores da talla de Alice Vieira e compiladores de contos tradicionais lusos como Adolfo Coelho, S. Romero, A. Oliveira ou L. Vasconcellos, teñen recollido variantes desta historia en todo Portugal e mesmo Brasil, con historias que deron en chamar A vella e os lobos, O macaco e a cabaça (na variante brasileira), A cabacinha ou A vella que ia na calabaça e encontrou um lobo. Nalgunha destas versións os animais comen á avoa, mais nesta versión optouse por un final no que a vella e a neta, xuntando enxeño, humor e imaxinación, conseguen superar os conflitos e darlle as tres feras o seu merecido.
Cun ritmo áxil e empregando “lenga lenga” –case un trabalinguas-, presente nas versións portuguesas que aínda hoxe circulan, este conto ofrece moitas posibilidades expresivas de narración e representación teatral.
André Letria, ilustrador de gran prestixio en Portugal e gañador en varias ocasións do Premio Nacional de Ilustración do país veciño, crea personaxes con moita forza e personalidade, acentuando a súa expresividade e enriquecendo as imaxes cun imaxinario humorístico moi definido.
Roberto Gonzalez Vazquez - Yualah TEV virtual shop system - Yualah
Infantil e Xuvenil

Conta andel
Carriño

Importe 12.98 €
4% I.V.E. 13.50 €
Club 12.82 €

Engadir ao carro